ଲାଲ କିଲ୍ଲା ନିକଟସ୍ଥ ପାର୍କରେ ମହିଳାଙ୍କୁ ଦୁଷ୍କର୍ମ,

ନୂଆଦିଲ୍ଲୀ ;-ଉତ୍ତର ଦିଲ୍ଲୀ ଲାଲ କିଲ୍ଲା ନିକଟସ୍ଥ ପାର୍କରେ ଜଣେ ୨୩ ବର୍ଷ ବୟସ୍କ ମହିଳାଙ୍କୁ ଜଣେ ବ୍ୟକ୍ତି ଦୁଷ୍କର୍ମ କରିଛି | ଅଭିଯୁକ୍ତକୁ ଗିରଫ କରାଯାଇଛି | ମଙ୍ଗଳବାର ଦିନ ପୋଲିସ କହିଛି ଯେ ଉଭୟ ପୀଡିତା ମହିଳା ଓ ଅଭିଯୁକ୍ତ ବେସାହାରା ଏବଂ ପରସ୍ପରକୁ ଜାଣିଥିଲେ | ଘଟଣା ଶନିବାର ଦିନ ଘଟିଛି |

ପୋଲିସ କହିବାନୁଯାୟୀ, ଶନିବାର ଦିନ ଜଣେ ବ୍ୟକ୍ତି ମହିଳାଙ୍କ ମୁଣ୍ଡରୁ ରକ୍ତସ୍ରାବ ହେଉଥିବା ଦେଖି ପୋଲିସ କଣ୍ଟ୍ରୋଲ ରୁମକୁ ଫୋନ କରି ସୂଚନା ଦେଇଥିଲେ | ପୋଲିସ ଘଟଣାସ୍ଥଳରେ ପହଞ୍ଚି ମହିଳାଙ୍କୁ ହସ୍ପିଟାଲ ନେଇଯାଇଥିଲା | ମହିଳା ଡାକ୍ତରଙ୍କୁ ସମସ୍ତ ଘଟଣା ସମ୍ପର୍କରେ କହିଥିଲେ | ମହିଳା ପୋଲିସକୁ କହିଥିଲେ ଅଭିଯୁକ୍ତ ତାଙ୍କ ସହିତ ଦୁଷ୍କର୍ମ କରିଥିଲା ଏବଂ ବିରୋଧ କରିବାରୁ ତାଙ୍କ ମୁଣ୍ଡକୁ ପଥରରେ ଆଘାତ କରିଥିଲା | ଅଭିଯୁକ୍ତ ତାଙ୍କ ଝିଅକୁ ଅପହରଣ କରିନେଇଥିବା ମହିଳା ପୋଲିସକୁ କହିଛନ୍ତି | ପୋଲିସ ବହୁ ଖୋଜାଖୋଜି ପରେ ମହିଳାଙ୍କ ଶିଶୁକୁ ଉଦ୍ଧାର କରିଥିଲା |