ବର୍ଷୀୟାନ ଅଭିନେତ୍ରୀ କୁମ୍କୁମ୍ଙ୍କ ପରଲୋକ
ମୁମ୍ବାଇ:-ବର୍ଷୀୟାନ ବଲିଉଡ୍ ଅଭିନେତ୍ରୀ କୁମ୍କୁମ୍ଙ୍କର ମଙ୍ଗଳବାର ପରଲୋକ ଘଟିଛି । ମୃତ୍ୟୁ ବେଳକୁ ତାଙ୍କୁ ୮୬ ବର୍ଷ ହୋଇଥିଲା । ‘ମଦର ଇଣ୍ଡିଆ’, ‘ନୟା ଦୌର୍’, ‘କୋହିନୂର’, ‘ଉଜାଲା’, ‘ରାଜା ଔର୍ ରଙ୍କ୍’, ‘ଆଙ୍ଖେଁ’ ଭଳି ୧୦୦ରୁ ଅଧିକ ଚଳଚ୍ଚିତ୍ରରେ ସେ ଅଭିନୟ କରିଛନ୍ତି । ଅନ୍ୟପକ୍ଷରେ ବଲିଉଡ୍ ଆକ୍ସନ୍ ଡାଇରେକ୍ଟର ପର୍ଭେଜ୍ ଖାନ୍ଙ୍କର ବି ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୫୫ ବର୍ଷ ହୋଇଥିଲା । ହୃଦ୍ଘାତରେ ତାଙ୍କର ପରଲୋକ ଘଟିଥିବା ଜଣାପଡ଼ିଛି । ‘ଅନ୍ଧାଧୁନ’, ‘ଜନି ଗଦ୍ଦାର୍’ ଓ ‘ବୁଲେଟ୍ ରାଜା’ ଭଳି ଫିଲ୍ମରେ ସେ କାମ କରିଛନ୍ତି ।ଅଭିନେତ୍ରୀ କୁମ୍କୁମ୍ ବିହାରର ଶେଖପୁରା ଜିଲ୍ଲାରେ ୧୯୩୪ ଏପ୍ରିଲ ୨୨ରେ ଜନ୍ମଲାଭ କରିଥିଲେ । ନିଜ କ୍ୟାରିୟରରେ କୁମ୍କୁମ୍ ଅନେକ କିମ୍ବଦନ୍ତୀ ଷ୍ଟାର୍ଙ୍କ ସହ ଅଭିନୟ କରିଛନ୍ତି । କିଶୋର କୁମାରଙ୍କ ସହ ମଧ୍ୟ ସେ ଅଭିନୟ କରିଛନ୍ତି । ଗୁରୁ ଦତ୍ତଙ୍କ ମାଧ୍ୟମରେ ସେ ଚଳଚ୍ଚିତ୍ର ଶିଳ୍ପରେ ପାଦ ଦେଇଥିଲେ । ତାଙ୍କୁ କିଛି ଭୋଜପୁରୀ ଫିଲ୍ମରେ ବି ଦେଖିବାକୁ ମିଳିଥିଲା । ଲକ୍ଷେ୍ନøର ସଜ୍ଜଦ ଆକବର ଖାନ୍ଙ୍କୁ ସେ ବିବାହ କରିଥିଲେ । କୁମ୍କୁମ୍ଙ୍କ ପରଲୋକ ଖବର ପାଇ ବଲିଉଡ୍ ଶିଳ୍ପର ଅନେକ ସେଲିବ୍ରିଟି ଟ୍ୱିଟ୍ କରି ଶୋକବ୍ୟକ୍ତ କରିଛନ୍ତି ।