କଟକ ସହରରୁ ଆଉ ୬୫ କରୋନା ପଜିଟିଭ୍ ଚିହ୍ନଟ, ସ୍ଥାନୀୟ ସଂକ୍ରମିତ ୬
କଟକ:- କଟକ ସହରରେ ଗତ ୨୪ ଘଣ୍ଟା ମଧ୍ୟରେ ଆହୁରି ୬୫ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାମଧ୍ୟରୁ ୫୯ଟି କ୍ୱାରେଣ୍ଟାଇନ କେସ୍ ରହିଥିବା ବେଳେ ୬ଜଣ ସ୍ଥାନୀୟ ସଂକ୍ରମିତ ରହିଛନ୍ତି ।
ଚିହ୍ନଟ ହୋଇଥିବା ନୂଆ ସଂକ୍ରମିତଙ୍କ ମଧ୍ୟରୁ ୭ଜଣ ସରକାରୀ କ୍ୱାରେଣ୍ଟାଇନରେ ରହିଥିବା ବେଳେ ୫୦ ଜଣ ହୋମ୍ କ୍ୱାରେଣ୍ଟାଇନରେ ରହିଥିଲେ । ସେହିପରି ୨ଜଣ ପେଡ୍ କ୍ୱାରେଣ୍ଟାଇନରେ ରହିଥିଲେ ।
ତେବେ ସ୍ଥାନୀୟ ସଂକ୍ରମିତମାନେ ହେଲେ, ୨୭ ବର୍ଷୀୟା ମହିଳା(କୋଭିଡ ଯୋଦ୍ଧା), ମୁଗଭଙ୍ଗାର ୨୭ ବର୍ଷୀୟ ଯୁବକ, ନୂଆବଜାରର ୪୫ ବର୍ଷୀୟା ମହିଳା, ହାଇକୋର୍ଟ ଛକର ୩୬ ବର୍ଷୀୟ ବ୍ୟକ୍ତି, ବକ୍ସି ବଜାରର ୩୦ ବର୍ଷୀୟା ଯୁବତୀ, ଖତବୀନ ସାହିର ୪୯ ବର୍ଷୀୟା ମହିଳା ।
ସୂଚନାଯୋଗ୍ୟ, ଏବେସୁଦ୍ଧା କଟକ ସହରରେ ୭୩୬ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୩୦୪ଜଣ ଆରୋଗ୍ୟ ଲାଭ କରିଛନ୍ତି । ସେହିପରି ୯ ଜଣ ପ୍ରାଣ ହରାଇଥିବା ବେଳେ ୪୨୩ଟି ସକ୍ରିୟ କେସ୍ ରହିଛି ।