ଅପାରଗ ଥାନା ଅଧିକାରୀ, ଭୁଶୁଡ଼ି ପଡିଛି ଆଇନି ଶୁଙ୍ଖଳା, ବିଚ ରାସ୍ତାରେ ଯୁବକଙ୍କୁ ଗୋଡ଼ାଇ ହାଣିଲେ
ଭୁବନେଶ୍ୱର: ରାଜଧାନୀର କ୍ୟାପିଟାଲ ଥାନା ଅଞ୍ଚଳରେ ଭୁଶୁଡି ପଡିଲାଣି ଆଇନି ଶୁଙ୍ଖଳା। ଥାନା ଅଧିକାରୀ ଏବେ ଅପାରଗ ପାଲଟି ଯାଇଛନ୍ତି। ନିଜ ଥାନା ଅଞ୍ଚଳକୁ ଠିକ ସେ ସମ୍ଭାଳି ପାରୁନାହାନ୍ତି। ଚୋରି ଲୁଟପାଟ, ହଣାକଟା ବଢ଼ିବାରେ ଲାଗିଛି। ହେଲେ ସବୁଠୁ ବଡ଼ କଥା ହେଲା କୌଣସି ଗୋଟିଏ ମାମଲାରେ ଅପରାଧିଙ୍କୁ ଗିରଫ କରି ପାରୁନାହାନ୍ତି। ଯାହାଫଳରେ ପୋଲିସ ଏଭଳି ଅପାରଗତା ପାଇଁ ଉକ୍ତ ଅଞ୍ଚଳରେ ଅପରାଧୀମାନେ ଅପରାଧ ଘଟାଇବାକୁ ସୁରକ୍ଷିତ ମଣୁଛନ୍ତି।ଯାହାର ଉଦାହରଣ ମଙ୍ଗଳବାର ସକାଳେ କ୍ୟାପିଟାଲ ଥାନା ପାଣିଟାଙ୍କି ବସ୍ତିରେ ଦେଖୁବାକୁ ମିଳିଛି।
ବିଚ୍ ରାସ୍ତାରେ ବାପୁଜି ନଗରରେ ପି ନରସିଂହଙ୍କୁ ସଂଘବଦ୍ଧ ଭାବେ ଅକ୍ରମଣ କରାଯାଇଛି । ତେବେ ପୂର୍ବ ଶତ୍ରୁତାକୁ କେନ୍ଦ୍ର କରି ଏଭଳି ହୋଇଥିବା ସୂଚନା ମିଳିଛି । ସବୁଠାରୁ ବଡ଼ କଥା ହେଉଛି ଥାନାଠାରୁ ମାତ୍ର ୧୦୦ ମିଟର ଦୁରରେ ଏଭଳି ଘଟଣା ଘଟିଛି ।
ଦିନ ଦିପହରରେ ବିଚ୍ ରାସ୍ତାରେ ଏଭଳି ଆକ୍ରମଣ ହୋଇଛି । ୧୨ଟାରୁ ୧୨ ଟା୩୦ ମିନିଟ ସମୟରେ ଏଭଳି ଘଟଣା ଘଟିଛି। ଆକ୍ରମଣ କାରି ଘଟଣା ସ୍ଥଳରୁ ଫେରାର ହୋଇଯାଇଛନ୍ତି । ଛାତି ହାତ ପିଠି ଉପରୁ ସାଂଘାତିକ ଭାବେ ଆକ୍ରମଣ କରାଯାଇଛି । ସୋଇଥିବା ବେଳେ ହୋଇଛି ଆକ୍ରମଣ । ଗୁରୁତର ଅବସ୍ଥାରେ ପି ନରସିଂହଙ୍କୁ ହସପିଟାଲ ଭର୍ତ୍ତି କରାଯାଇଛି । ଘଟଣା ସ୍ଥଳରେ କ୍ୟାପିଟାଲ ଥାନା ପୋଲିସ ପହଞ୍ଚି ତଦନ୍ଦ ଆରମ୍ଭ କରିଛି ।
ସୂଚନା ଅନୁଯାୟୀ, ଦୁଇ ଗୋଷ୍ଠୀଙ୍କ ମଧ୍ୟ ଆଜି ସକାଳୁ କୌଣସି କାରଣ ନେଇ ଗଣ୍ଡୋଗଳ ହୋଇଥିଲା । ମଦ ପିଇଲା ପରେ ହୋଇଥିଲା ଏଭଳି କାଣ୍ଡ । ତେବେ ଗଣ୍ଡୋଗଳ ପରେ ଅପର ପକ୍ଷ ଖଣ୍ଡା ଭୁଜାଲି ଧରି ପି ନରସିଂହଙ୍କ ଉପରକୁ ଆକ୍ରଣ କରିଥିଲେ । ଆକ୍ରମଣ ପରେ ଅଚେତ ହୋଇପଡ଼ିଲେ ପି ନରସିଂହ । ପି ନରସିଂହଙ୍କୁ ଉଦ୍ଧାର କରାଯାଇ ଡାକ୍ତରଖାନାକୁ ପଠାଯାଇଛି । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।