କରୋନା କଟକଣା ପାଇଁ ଗ୍ରାହକଙ୍କ ପକେଟରେ ପରିବା ମାଡ଼,ଫୁଲକୋବି ଗୋଟାକୁ ୧୦୦, ଦେଶୀ କାଙ୍କଣ କିଲ ୨ଶହ ଟଙ୍କା

ସମ୍ବଲପୁର:-କରୋନା ପାଇଁ ଅନେକ ଜୀବନ ଜୀବିକା ହରାଇଥିବା ବେଳେ ପନିପରିବା ଚାଷ ବି ପ୍ରଭାବିତ ହୋଇଛି । ଉତ୍ପାଦନ କମ ହେବାରୁ ପନିପରିବା ଦର ଆକାଶ ଛୁଅାଁ ହୋଇଛି । ଫଳରେ ଖାଉଟିଙ୍କ ଉପରେ ସିଧାସଳଖ ଏହାର ପ୍ରଭାବ ପଡଛି l ସମ୍ବଲପୁର ଜିଲ୍ଲା କୁଚିଣ୍ଡାର ସାପ୍ତାହିକ ହାଟ । ତାଜା ଓ ତଟକା ପନିପରିବା ପାଇଁ ଏଠାରେ ଲୋକଙ୍କ ଭିଡ ଲାଗେ । କରୋନା କାଳରେ ହାଟକୁ ଲୋକେ ଆସୁଛନ୍ତି । ହେଲେ ପରିବା ଦର ଶୁଣି ଛାନିଆ ହୋଇଯାଉଛନ୍ତି । କୁଚିଣ୍ଡା ସପ୍ତାହିକ ହାଟରେ ପରିବା ଦର କେତେ ଅଛି, ଏବେ ଆସନ୍ତୁ ନଜର ପକାଇବା ।
ପରିବା କିଲୋ ପ୍ରତିି ଦର
ଟମାଟୋ ୮୦ ଟଙ୍କା
ବାଇଗଣ ୫୦ ଟଙ୍କା
କଲରା ୧୦୦ ଟଙ୍କା
ଦେଶି କାଙ୍କଡ ୨୦୦ ଟଙ୍କା
ଝୁଡଙ୍ଗ ୮୦ ଟଙ୍କା
ଫୁଲକୋବି ୧୦୦ ଟଙ୍କା
ବନ୍ଧାକୋବି ୮୦ ଟଙ୍କା
ସଜନା ଛୁଇଁ ୧୨୦ ଟଙ୍କା