ଭୁବନେଶ୍ୱର AIIMS ଡାକ୍ତରଙ୍କ ବ୍ରେକ୍ ଡ୍ୟାନ୍ସ ଭାଇରାଲ୍
ଭୁବନେଶ୍ୱର – ସାରା ଦେଶରେ ବର୍ତ୍ତମାନ କରୋନା ଭାଇରସ୍ ତାର ଆତଙ୍କ ଲୀଳା ଚଳାଇଛି । ଦିନ ଯେତେ ଅତିକ୍ରମ ହେଉଛି , ଏହି ଭାଇରସ୍ ସେତିକି ତାର ପ୍ରାର୍ଦୁଭାବ ଦେଖାଇ ଚାଲିଛି । ଆଉ ଏହା ସହ ଲଢେଇରେ ପ୍ରମୁଖ ଯୋଦ୍ଧା ସାଜି ଲୋକଙ୍କୁ ବଞ୍ଚାଇବା ପାଇଁ ଆପ୍ରାଣ ଉଦ୍ୟମ ଜାରି ରଖିଛନ୍ତି ଡାକ୍ତର ଓ ସ୍ୱାସ୍ଥ୍ୟକର୍ମୀ ମାନେ । ଯାହାଙ୍କ ଶ୍ରମକୁ ଯେତେ ପ୍ରଶଂସା କଲେ କମ୍ ହେବ ।
ସଦ୍ୟ ଏହି ଯୋଦ୍ଧା ଡାକ୍ତରଙ୍କର ଏକ ଭିଡ଼ିଓ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେଉଛି । ଏହି ଡାକ୍ତର ଜଣଙ୍କ ଭୁବନେଶ୍ୱର ଏମ୍ସର । ଯେଉଁଥିରେ ଦେଖିବାକୁ ମିଳୁଛି କି କରୋନା ଯୋଦ୍ଧା ଡାକ୍ତର ଜଣଙ୍କ ପିପିଇ କିଟ୍ ପିନ୍ଧି ରୋଗୀଙ୍କ ସେବା କରୁଥିବା ସମୟରେ ନିଜକୁ ଟିକେ ଖୁସି କରିବାକୁ ଯାଇ ନୃତ୍ୟ କରୁଛନ୍ତି । କରୋନାର ଭୟାବହ ସ୍ଥିତିରେ ଥାଇ ନିଜକୁ ଟିକେ ଆଶ୍ୱସ୍ତ କରିବାକୁ ଯାଇ ବିଭିନ୍ନ ଭଙ୍ଗୀରେ ବ୍ରେକ୍ ଡ୍ୟାନ୍ସ କରୁଛନ୍ତି । ଯାହାକୁ କି ଲୋକେ ବହୁତ ପସନ୍ଦ କରିଛନ୍ତି ସୋସିଆଲ ମିଡ଼ିଆରେ । ଆଉ ଅନେକ ଭଲ ପ୍ରତିକ୍ରିୟା ମଧ୍ୟ ଦେଇଛନ୍ତି । କରୋନା ପାଇଁ ଡାକ୍ତରଙ୍କ ଅକ୍ଲାନ୍ତ ପରିଶ୍ରମକୁ ମଧ୍ୟ ତାରିଫ୍ କରିଛନ୍ତି ଏହି ଭିଡ଼ିଓ ଦେଖି । ସେହି କରୋନା ଯୋଦ୍ଧା ମାନଙ୍କ ଭିତରୁ ଅନେକ ବି ଦିନ ରାତି ଚିକିତ୍ସାରେ ରହି କରୋନାରେ ଶିକାର ହେବାକ ଖବର ସାମନା ଆସୁଛି । ତଥାପି ସେମାନେ ନିଜ ଲକ୍ଷ୍ୟରେ ଅଟଳ ରହି ଘର ପରିବାର ଠାରୁ ଦୂରେଇ କରୋନା ଲଢ଼େଇରେ ନିଜକୁ ସାମିଲ କରି ଚାଲିଛନ୍ତି ।