ଫସଲ ବଞ୍ଚାଇବାକୁ ଲଗାଇଥିଲେ ବିଦ୍ୟୁତ ତାର, ମରିଗଲେ ୪ ମାଙ୍କଡ଼ ଓ କୁକୁର

ଭଦ୍ରକ :- ଫସଲ ବଞ୍ଚାଇବା ପାଇଁ ବିଦ୍ୟୁତ ତାର ଘେରାଇଥିଲେ । କିନ୍ତୁ ଏହି ବିଦ୍ୟୁତ ତାର ସଂସ୍ପର୍ଶରେ ଆସି ଚାରି ମାଙ୍କଡ଼ ଓ କୁକୁରର ମୃତ୍ୟୁ ହୋଇଥିବା ସୂଚନା ମିଳିଛି । ଏଭଳି ଦୁଖଃଦ ଘଟଣା ଦେଖିବାକୁ ମିଳୁଛି ଭଦ୍ରକ ଜିଲ୍ଲା ତିହିଡି ଥାନା କୁବେରା ପଞ୍ଚାୟତର କାଳିପଡିଆଠାରେ ।ସେହି ଅଞ୍ଚଳରେ ହୋଇଥିବା ପନିପରିବା ଚାଷକୁ ବାରମ୍ବାର ମାଙ୍କଡ଼ମାନେ ନଷ୍ଟ କରୁଥିଲେ । ସେହି ଗାଁର ଜୈନିକ ବ୍ୟକ୍ତି ନିଜ ଚାଷ ଜମରେ ତାର ବାଡରେ ବିଦ୍ୟୁତ ସଂଯୋଗ କରିଥିଲେ । କିଛି ମାଙ୍କଡ଼ ଫସଲ ଖାଇବାକୁ ଆସିଥିଲେ । ପରେ ବିଦ୍ୟୁତ ତାର ବାଡରେ ଦିଆଯାଇଥିବା ଵିଦ୍ୟୁତ ସଂପର୍ଶରେ ଆସି ୪ଟି ମାଙ୍କଡ଼ ଛଟପଟ ହୋଇ ମରିଯାଇଛନ୍ତି ।ସେଠାରେ ବୁଲୁଥିବା ୪ଟି କୁକୁର ମଧ୍ୟ ଏହି ତାର ସଂପର୍ଶରେ ଆସି ସେଠାରେ ମରିଯାଇଛନ୍ତି । ଏହି ଘଟଣାକୁ ସ୍ଥାନୀୟ ଅଞ୍ଚଳର କେତେକ ବ୍ୟକ୍ତି ସୋସିଆଲ ମିଡିଆରେ ଭାଇରାଲ କରିଦେଇଛନ୍ତି । ପରେ ସଂପୃକ୍ତ ବ୍ୟକ୍ତି ସେହି ଅଞ୍ଚଳରୁ ମାଙ୍କଡ଼ ଓ କୁକୁରଙ୍କ ମୃତ ଦେହକୁ ସଫା କରିଦେଇଥିବା ସୂଚନା ମିଳିଛି ।