୨୪ ଘଣ୍ଟାରେ ଦେଶରେ ରେକର୍ଡ ସଂଖ୍ୟକ ୨୮,୭୦୧ ନୂଆ କରୋନା ପଜିଟିଭ୍ ଚିହ୍ନଟ

ନୂଆଦିଲ୍ଲୀ:-ସାରା ଦେଶରେ କରୋନା ଭାଇରସର ଆତଙ୍କ ଜାରି ରହିଛି । ଦିନକୁଦିନ ଅଧିକ ସଂଖ୍ୟାରେ ସଂକ୍ରମିତ ଚିହ୍ନଟ ହେଉଛନ୍ତି । ଗତ ୨୪ ଘଣ୍ଟାରେ ଦେଶରେ ୨୮ ହଜାର ୭୦୧ ଜଣ ନୂଆ ପଜିଟିଭ୍ ଚିହ୍ନଟ ହୋଇଛନ୍ତି । ଏହାସହ ୫୦୦ ଜଣ ଆକ୍ରାନ୍ତ ପ୍ରାଣ ହରାଇଛନ୍ତି ।

ଦେଶରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୮ ଲକ୍ଷ ୭୮ ହଜାର ୨୫୪କୁ ବୃଦ୍ଧି ପାଇଛି । ଏବେସୁଦ୍ଧା ୧ କୋଟି ୧୮ ଲକ୍ଷ ୨୫୬ କରୋନା ଟେଷ୍ଟ୍ କରାଯାଇଛି । ଏହାମଧ୍ୟରୁ ରବିବାର ୨ ଲକ୍ଷ ୧୯ ହଜାର ୧୦୩ ଟେଷ୍ଟ କରାଯାଇଛି ।

ସ୍ୱାସ୍ଥ୍ୟ ମନ୍ତ୍ରାଳୟର ରିପୋର୍ଟ ଅନୁସାରେ, ଦେଶରେ ଏବେସୁଦ୍ଧା ୩ ଲକ୍ଷ ଏକ ହଜାର ୬୦୯ଟି ସକ୍ରିୟ କେସ୍ ରହିଛି । ମୋଟ ୨୩ ହଜାର ୧୭୪ଜଣଙ୍କ ଜୀବନ ଯାଇଛି । ୫ ଲକ୍ଷ ୫୩ ହଜାର ୪୭୦ଜଣ ସୁସ୍ଥ ହୋଇ ଫେରିଛନ୍ତି ।