ଓଡ଼ିଆ ଆଲବମ କୁଇନ ଦୀପା ସାହୁଙ୍କୁ କ୍ୟାନସର: ଗୁରୁତର ଅବସ୍ଥାରେ ହସ୍ପିଟାଲ୍ରେ ଭର୍ତ୍ତି
ଭୁବନେଶ୍ବର:-ଓଡିଆ ଆଲବମ୍ କୁଇନ ତଥା ଅଭିନେତ୍ରୀ ଦୀପା ସାହୁଙ୍କୁ କ୍ୟାନସର । ଆଜି ଦୀପାଙ୍କୁ ସ୍ବାସ୍ଥ୍ୟ ଅବସ୍ଥା ଗୁରୁତର ହେବାରୁ ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି।ସୂଚନା ମୁତାବିକ, ଅଭିନେତ୍ରୀ ଦୀପା ସାହୁ ଏକ ବର୍ଷ ଧରି ଜରାୟୁ କର୍କଟରେ ପୀଡ଼ିତ ହୋଇ ଚିକିତ୍ସିତ ହେଉଥିଲେ । କିଛିଦିନ ହେବ ତାଙ୍କ ସ୍ବାସ୍ଥ୍ୟାବସ୍ଥାରେ ଅବନତି ଦେଖା ଦେଇଥିଲା । ଆଜି ଅଧିକ ଗୁରୁତର ହୋଇପଡିବାରୁ ଦୀପାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି।କିନ୍ତୁ ଏବେ କ୍ୟାନସରରେ ପୀଡିତ ହେବା ପରେ ଚିକିତ୍ସା ହେବା ପାଇଁ ଅର୍ଥ ସାଜିଛି ବାଧକ । ପାଖରେ ଟଙ୍କାଟିଏ ନାହିଁ ଚିକିତ୍ସା ହେବାକୁ । ଏହି ଅସହାୟ ସମୟରେ ଦୀପାଙ୍କ ଫିଲ୍ମ ଜଗତର କିଛି ବନ୍ଧୁ ତାଙ୍କୁ କ୍ୟାପିଟାଲ ହସ୍ପିଟାଲକୁ ଆଣିଛନ୍ତି । ଦୀର୍ଘ ବର୍ଷ ହେବ ଦୀପା ଆଲବମ ଜଗତରୁ ଦୁରେଇ ରହିଥିଲେ । ଆଉ ଏବେ ସେ କ୍ୟାନସରରେ ପୀଡିତ ଥିବା ଖବର ସାମ୍ନାକୁ ଆସୁଛି