କରୋନା ସଂକ୍ରମଣରେ ଇଟାଲିକୁ ଟପିଲା ଭାରତ : ବିଶ୍ୱରେ ଷଷ୍ଠ ସ୍ଥାନରେ ଭାରତ

ଭୁବନେଶ୍ୱର :-କରୋନା ସଂକ୍ରମଣରେ ଇଟାଲିକୁ ଟପିଲା ଭାରତ I ଭାରତରେ ଅଣାୟତ୍ତ ହେଉଛି କରେନା । ଇତିମଧ୍ୟରେ ଆକ୍ରାନ୍ତଙ୍କ ସଂଖ୍ୟା ୨ ଲକ୍ଷ ୩୬ ହଜାର ୬୫୭କୁ ବୃଦ୍ଧି ପାଇଲାଣି । ଯାହା ଇଟାଲୀରେ ଆକ୍ରାନ୍ତଙ୍କ ସଂଖ୍ୟା ୨ ଲକ୍ଷ ୩୪ ହଜାର ୫୩୧ ରହିଛି I ଭାରତରେ ବିଗତ କିଛି ଦିନ ହେବ ସଂକ୍ରମିତଙ୍କ ସଂଖ୍ୟା ରେକର୍ଡ ଭାଙ୍ଗୁଛି । ପ୍ରତିଦିନ ୮ ରୁ ୯ ହଜାର ସଂକ୍ରମିତ ଚିହ୍ନଟ ହେଉଛନ୍ତି । ଏହାରି ମଧ୍ୟରେ ଗତ ୨୪ ଘଣ୍ଟାରେ ଭାରତରେ ୯ ହଜାର ୮୮୭ ଜଣ ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ ୨୯୪ ଜଣଙ୍କ ପ୍ରାଣହାନୀ ହୋଇଛି । ଆକ୍ରାନ୍ତ ସଂଖ୍ୟା ୨ ଲକ୍ଷ ୩୬ ହଜାର ପାର କରିବା ପରେ ବିଶ୍ୱରେ ଛଅ ନମ୍ବର ସ୍ଥାନରେ ପହଁଚି ଯାଇଛି ଭାରତ ।