ATMରୁ ଲୁଟ କରୁଥିଲେ ବାପ-ପୁଅ ଯୋଡି, ଦୁଇ ଲୁଟେରାଙ୍କୁ କାବୁ କଲେ ସ୍ଥାନୀୟ ଲୋକ

ଭୁବନେଶ୍ୱର: ଭୁବନେଶ୍ୱରରେ ATM ଲୁଟ ପଣ୍ଡ । ଦୁଇ ଲୁଟେରାଙ୍କୁ କାବୁ କଲେ ସ୍ଥାନୀୟ ଲୋକ । ୟୁନିଟ-୮ ଡିଏଭି ଛକ ନିକଟରେ ଥିବା ଏକ ATMରୁ ଲୁଟ କରିବାକୁ ଉଦ୍ୟମ କରୁଥିଲେ । ଲୁଟ୍ କରିବା ସମୟରେ ୨ ଜଣଙ୍କୁ କାବୁ କରିଛନ୍ତି ସ୍ଥାନୀୟ ଲୋକ । ଏହି ଘଟଣାରେ ନୟାପଲ୍ଲୀ ଥାନା ପୋଲିସ ୨ ଜଣଙ୍କୁ ଗିରଫ କରି ପଚରାଉଚରା କରୁଛି । ଗିରଫ ଲୁଟେରାଙ୍କଠାରୁ ଲୁହା ରଡ, କଟର ମେସିନ ଜବତ କରାଯାଇଛି । ତେବେ ଏହି ATM ଲୁଟ୍ ଘଟଣାରେ ଗିରଫ ହୋଇଥିବା ଦୁଇ ଜଣ ହେଉଛନ୍ତି ବାପ- ପୁଅ । ବାପ, ପୁଅ ଉଭୟ ATMରୁ ଲୁଟ୍ କରିବାକୁ ଉଦ୍ୟମ କରିଥିଲେ । ତାଙ୍କ ଘର କନ୍ଧମାଳ ବୋଲି ସୂଚନା ମିଳିଛି ।