ଲକ୍ଷ୍ମୀପୁର ଏସବିଆଇରୁ କୋଟିଏ ଟଙ୍କାର ସୁନା ଚୋରି

କୋରାପୁଟ: ଲକ୍ଷ୍ମୀପୁର ଏସବିଆଇରୁ ବଡ଼ଧରଣର ଚୋରି ଅଭିଯୋଗ  । କୋଟିଏ ଟଙ୍କାର ସୁନା ଚୋରି ହୋଇଥିବା ନେଇ ଥାନାରେ ପହଁଚିଲା ଅଭିଯୋଗ  । ସୂଚନା ମୁତାବକ ଜଣେ ଅସ୍ଥାୟୀ କର୍ମଚାରୀ ଏହି ସୁନା ଚୋରି ପଛରେ ପ୍ରତ୍ୟକ୍ଷ ଭାବେ ରହିଛନ୍ତି  ।  ପ୍ରାୟ ୧କେଜି ୬୧୦ ଗ୍ରାମ୍  ସୁନା ଲୁଟ୍ ହୋଇଥିବା ଅଭିଯୋଗ କରିଛନ୍ତି ବ୍ୟାଙ୍କ କର୍ତ୍ତୁପକ୍ଷ  ।

ଅସ୍ଥାୟୀ କର୍ମଚାରୀ ଶେଖର କୂଳଦୀପଙ୍କ ନାଁରେ ଥାନାରେ ଏତଲା ଦେଇଛନ୍ତି ବ୍ୟାଙ୍କ କର୍ତ୍ତୁପକ୍ଷ  । ସୁନା ଲୁଟ୍ କରି ଉକ୍ତ କର୍ମଚାରୀ ଜଣଙ୍କ ପ୍ରାୟ ଦେଢମାସ ହେଲା ଫେରାର୍ ହୋଇଥିବା ଅଭିଯୋଗ ହୋଇଛି  । ସେପଟେ  ଅଭିଯୋଗ ପାଇବା ପରେ ପୋଲିସ ତନାଘନା ଆରମ୍ଭ କରିଛି  ।