ରସିକିଆ ଅଧ୍ୟାପକଙ୍କୁ ଘରେ ତାଲା ପକାଇଲେ ପରିବାର ଲୋକେ

ଜଳେଶ୍ୱର:-ଛାତ୍ରୀଙ୍କୁ ଅସଦାଚରଣ ଅଭିଯୋଗରେ ଅଧ୍ୟାପକଙ୍କୁ ତାଲା ପକାଇଲେ ପରିବାର ଲୋକେ। ଭୋଗରାଇର ସ୍ଥାନୀୟ ଏକ  ମହାବିଦ୍ୟାଳୟରେ ପଢ଼ୁଥିବା ଜଣେ ଛାତ୍ରୀଙ୍କ ସହ ଏଭଳି ଘଟଣା ଘଟିଛି ।

ତେବେ ଖବର ପାଇ ପୁଲିସ ପହଞ୍ଚି ସମ୍ପୃକ୍ତ ଅଧ୍ୟାପକଙ୍କୁ ଉଦ୍ଧାର କରି ଥାନାରେ ଅଟକ ରଖିଛି। ସୂଚନା ଅନୁଯାୟୀ, ଗତ ୨ ଦିନ ପୂର୍ବରୁ ଭୋଗରାଇ ଉକ୍ତ ମହା ବିଦ୍ୟାଳୟ ଦ୍ୱିତୀୟ ବର୍ଷର କଳା ବିଭାଗର ଜଣେ ଛାତ୍ରୀ ଟିଉସନ ପାଇଁ  ଅଧ୍ୟାପକ ରାମଚନ୍ଦ୍ର ଭଞ୍ଜଙ୍କ ଘରକୁ ଯାଇଥିଲେ।ମାତ୍ର ଅଧ୍ୟାପକ ଟିଉସନ ସରିବା ପରେ ଛାତ୍ରୀଙ୍କୁ ଅସଦାଚରଣ କରିଥିବା  ଛାତ୍ରୀ ଜଣକ ଆସି ପରିବାରରେ ପ୍ରକାଶ କରି ଥିଲେ। ପରିବାର ଲୋକେ ସ୍ଥାନୀୟ ସରପଞ୍ଚଙ୍କୁ ଏ ବିଷୟରେ ଜଣାଇଥିଲେ।  ଗତକାଲି ସନ୍ଧ୍ୟାରେ ଏନେଇ ସମାଧାନ ପ୍ରକ୍ରିୟା ଆରମ୍ଭ ହୋଇଥିଲା। ହେଲେ ଏହି ଘଟଣାକୁ କେନ୍ଦ୍ର କରି ଉତ୍ତେଜନା ଆରମ୍ଭ ହୋଇଥିଲା। ପରିବାର ଲୋକେ ଓ ଗ୍ରାମବାସୀ ସମ୍ପୃକ୍ତ ଅଧ୍ୟାପକଙ୍କୁ ତାଲା ପକାଇ ପୁଲିସକୁ ଖବର ଦେଇଥିଲେ। ଘଟଣାସ୍ଥଳରେ ଭୋଗରାଇ ପୁଲିସ ପହଞ୍ଚି ଅଧ୍ୟାପକଙ୍କୁ ଉଦ୍ଧାର କରି ଥାନାରେ  ଅଟକ ରଖି  ତଦନ୍ତ ଚଳାଇଛି।