ଭୁବନେଶ୍ୱର, କଟକରେ କାଳବୈଶାଖୀ ତାଣ୍ଡବ

ଭୁବନେଶ୍ୱର: ରାଜ୍ୟର ଅନେକ ସ୍ଥାନରେ କାଳବୈଶାଖୀର ତାଣ୍ଡବ । ଅପରାହ୍ନରେ ଭୁବନେଶ୍ୱର, କଟକ ସମେତ ରାଜ୍ୟର ଉପକୂଳବର୍ତ୍ତୀ ଅଞ୍ଚଳରେ ବର୍ଷା ଏନ ପବନ ହୋଇଥିବା ସୂଚନା । ସେପଟେ କାଳବୈଶାଖୀ ସହ ବଜ୍ରପାତ ମଧ୍ୟ ହୋଇଛି । ପାଣିପାଗ ବିଭାଗର ଆକଳନ ଅନୁଯାୟୀ ଉପକୂଳ ଅଞ୍ଚଳରେ କାଳ ବୈଶାଖୀ ହେବା ସହ ୩୦ରୁ ୪୦ କିଲୋମିଟର ବେଗରେ ପବନ ମଧ୍ୟ ବୋହିଛି ।

ବିଶେଷକରି କୋରାପୁଟ, ଗଜପତି , ଗଞ୍ଜାମ, କଟକ, ଜଗତସିଂହପୁର, ଭଦ୍ରକ, କେନ୍ଦ୍ରାପଡା, ଖୋର୍ଦ୍ଧାରେ କାଳବୈଶାଖୀ ହେବା ନେଇ ଆଶଂକା ରଖିଥିଲା ପାଣିପାଗ ବିଭାଗ । ଏହା ସହ ୩୦ରୁ ୪୦ କିଲୋମିଟର ବେଗରେ ପବନ ବହିବାର ସମ୍ଭାବନା ରଖିଥିଲା ବିଭାଗ । ପ୍ରଭାବରେ ଆଜି ଭୁବନେଶ୍ବର, କଟକରେ ପ୍ରବଳ ବର୍ଷା ସହ ପବନ ହୋଇଛି ।

ସେପଟେ କାଳବୈଶାଖୀ ପ୍ରଭାବରେ ଫଳରେ ତାତିରେ ଶିଝୁଥିବା ରାଜଧାନୀବାସୀ ସମାନ୍ୟ ଆଶ୍ବସ୍ତ ହୋଇଛନ୍ତି । ସମୁଦ୍ର ଅଶାନ୍ତ ରହୁଥିବାରୁ ମତ୍ସ୍ୟଜୀବୀଙ୍କୁ ସମୁଦ୍ର ବାରଣ ରହିଛି । ଆଜି ଭୁବନେଶ୍ବର, ନୟାଗଡ, ବୌଦ୍ଧ, ବଲାଙ୍ଗୀରରେ ସର୍ବାଧିକ ତାପମାତ୍ରା ରେକର୍ଡ କରାଯାଇଛି ।