ନିର୍ଦ୍ଦୟ ମାଆ, ଟ୍ୟୁସନ୍ ଯିବାକୁ ଅମଙ୍ଗ ହେବାରୁ ରାସ୍ତା ଉପରେ ଛୁଆକୁ ମାଡ଼

ଭୁବନେଶ୍ୱର: ଟ୍ୟୁସନ୍ ଯିବାକୁ ଅମଙ୍ଗ ହେବାରୁ ରାସ୍ତା ଉପରେ ଛୁଆକୁ କଚି ଦେଇ ଏମିତି ମାଡ଼ ମାରିଛି ମାଆ । ଗୋଇଠା, ଚାପୁଡ଼ା ସହ ଜନ୍ମକଲା ୪ ବର୍ଷର ପୁଅର ମୁଣ୍ଡକୁ ଧରି ଭୂଇଁରେ ଛେଚିଛି । ରାଜଧାନୀରେ ନାବାଳକଙ୍କୁ ମାଆର ଏମିତି ନନଷ୍ଟପ ମାଡ଼ର ଦୃଶ୍ୟ ଭାଇରାସ୍ ହୋଇଛି ।ଘଟଣା ଏୟାରଫିଲ୍ଡ ଥାନା ଅଞ୍ଚଳରେ ଘଟିଛି । ଏନେଇ ଥାନାରେ ମାମଲା ରୁଜୁ ହୋଇଥିବା ବେଳେ ପୋଲିସ ସିଆରପିସି ୪୧ରେ ମାଆକୁ ନୋଟିସ୍ କରି ଛାଡ଼ିଛି । ଟ୍ୟୁସନ୍ ନଯିବାରୁ ୪ ବର୍ଷର ଶିଶୁକୁ ମାଆ ନିର୍ଦ୍ଦୟ ଭାବେ ପିଟିଥିଲା । ପଡ଼ୋଶୀ ଭିଡିଓ ସୁଟ୍ କରି ସୋସିଆଲ ମିଡିଆରେ ଛାଡ଼ିଥିଲେ । ଏହା ପରେ ଅଡୁଆରେ ପଡିଥିଲା ମାଆ । ଚାଇଲ୍ଡଲାଇନ୍ ଦ୍ୱାରା କାଉନସେଲିଂ କରି ପୁଅକୁ ମାଆ ସହ ପୋଲିସ ଛାଡ଼ିଛି ।