ପ୍ରେମରେ ବିଫଳ ହୋଇ ପ୍ରେମିକାର ଗଳା କାଟିଲା ପ୍ରେମିକ

ବାଲେଶ୍ୱର:- ପ୍ରେମରେ ବିଫଳ ହୋଇ ପ୍ରେମିକାର ଗଳା କାଟିଲା ପ୍ରେମିକ। ମଙ୍ଗଳବାର ସଂନ୍ଧ୍ଯାରେ ବାଲେଶ୍ବର ସେଲଟ୍ୟାକ୍ସ କଲୋନୀ ନିକଟରେ ଘଟିଛି ଏଭଳି ଘଟଣା। ପ୍ରେମିକର ଆକ୍ରମଣରେ ଗୁରୁତର ଆହତ ହୋଇଥିବା ନାବାଳିକାକୁ ପରିବାର ଲୋକେ ଡାକ୍ତରଖାନାରେ ଭର୍ତ୍ତି କରିଛନ୍ତି। ତାଙ୍କର ସ୍ବାସ୍ଥ୍ୟବସ୍ଥା ସ୍ଥିର ଥିବା ସୂଚନା ମିଳିଛି। ସେପଟେ ଆକ୍ରମଣ କରି ଅଭିଯୁକ୍ତ ପ୍ରେମିକ ଫେରାର ହୋଇଯାଇଥିବା ପୋଲିସ କହିଛି। ଛାତ୍ରୀ ଜଣକ ଟ୍ୟୁସନରୁ ଫେରିବା ସମୟରେ ଏକତରଫା ପ୍ରେମ କରୁଥିବା ଅଭିଯୁକ୍ତ ସଞ୍ଜୀବ ବେହେରା ସେଲଟ୍ୟାକ୍ସ କଲୋନୀ ନିକଟରେ ଛାତ୍ରୀଙ୍କୁ ଅଟକାଇ ପ୍ରେମ ନିବେଦନ କରିଥିଲେ। ଛାତ୍ରୀ ଜଣକ ବିରୋଧ କରିବାରୁ ସଞ୍ଜୀବ ଏକ ଛୁରୀରେ ଛାତ୍ରୀଙ୍କ ଗଳା କାଟିଥିଲେ। ଖବର ପାଇ ଛାତ୍ରୀଙ୍କ ପରିବାର ଲୋକେ ଗୁରୁତର ଆହତ ଅବସ୍ଥାରେ ଛାତ୍ରୀଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ।