ପେଟ୍ରୋଲ ଟ୍ୟାଙ୍କରରେ ଥିଲା ୭୫ ଲକ୍ଷ ଟଙ୍କାର ଗଞ୍ଜେଇ

କୋରାପୁଟ:-ଗଞ୍ଜେଇ ଚାଲାଣ ପାଇଁ ମାଫିଆ ବାଛିଥିଲେ ପେଟ୍ରୋଲ ନେବା ଆଣିବା କରୁଥିବା ଏକ ଟ୍ୟାଙ୍କରକୁ। କିନ୍ତୁ ସେମାନଙ୍କର ଏହି ତରିକା ଫେଲ୍ ମାରିଲା। ଆଉ ଧରି ପକାଇଲା ପୁଲିସ୍। ଏମିତି ଏକ ଘଟଣା ଘଟିଛି କୋରାପୁଟ ଜିଲ୍ଲାରେ।ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ ହେଉଥିବା ନେଇ କୌଣସି ସୂତ୍ରରୁ ସୂଚନା ପାଇଥିଲା ସେମିଳିଗୁଡ଼ା ପୁଲିସ୍। ଲମତାପୁଟ ଅଞ୍ଚଳରୁ ଟ୍ୟାଙ୍କରଟି ବିହାର ଯାଉଥିବା ବେଳେ ସେମିଳିଗୁଡ଼ା ପୁଲିସ୍ ଏହାକୁ ଧରିଥିଲା।ସେମିଳିଗୁଡ଼ା ଥାନା ଅଧିକାରୀ ଧୀରେନ୍ କୁମାର ବେହେରା କହିଛନ୍ତି, ଟ୍ୟାଙ୍କରୁ ୧୫ କ୍ୱିଣ୍ଟାଲ ୭୭ କେଜି ଗଞ୍ଜେଇ ଜବତ କରାଯାଇଛି। ଏହାର ଆନୁମାନିକ ମୂଲ୍ୟ ୭୫ ଲକ୍ଷ ଟଙ୍କା ହେବ।