ମାହାଙ୍ଗା ଡବଲ ମର୍ଡର ଘଟଣାରେ ଆଉ ଜଣେ ଅଭିଯୁକ୍ତ ଗିରଫ,
ନିଶ୍ଚନ୍ତକୋଇଲି:–ମହାଙ୍ଗା ଡବଲ ମର୍ଡର ଘଟଣାରେ ଆଉ ଜଣେ ଅଭିଯୁକ୍ତ ଗିରଫ କଲା ପୋଲିସ। ଏହି ହତ୍ୟାକାଣ୍ଡ ୧୦ ବିତିଗଲାଣି। ଜଣେ ପରେ ଜଣେ ଗିରଫ ହେବାର ଲାଗିଛନ୍ତି। ଗିରଫ ଅଭିଯୁକ୍ତ ଭିକାରୀ ସ୍ବାଇଁ। ରାଉରକେଲା ସେକ୍ଟର ୨୨ ରୁ ଗତକାଲି ଗ୍ରାମଞ୍ଚଳ ପୋଲିସ ଗିରଫ କରିଥିବା ସୂଚନା ମିଳିଛି। ମୃତ ବିଜେପି ନେତା କୁଳମଣି ବରାଳଙ୍କ ପୁଅ ରମାକାନ୍ତ ବରାଳ ଏତଲାରେ ଭିକାରୀ ସ୍ବାଇଁର ନାଁ ଉଲ୍ଲେଖ କରିଥିଲେ।
ତେବେ କୌଣସି ବିଶେଷ ସୂତ୍ରରୁ ଖବର ପାଇ ପୋଲିସ ରାଉରକେଲା ସେକ୍ଟର ୨୨ ରେ ଏକ ଘରେ ଚଢ଼ାଉ କରି ଭିକାରୀକୁ ଗିରଫ କରିଥିଲା । ଆଉ ମାହାଙ୍ଗା ଡବଲ୍ ମଡ଼ର୍ର ଘଟଣାରେ ଏପର୍ଯ୍ୟନ୍ତ ବନ୍ଧା ହେଲେଣି ୮ ଅଭିଯୁକ୍ତ। ମଙ୍ଗଳବାର ଭିକାରୀକୁ ମାହାଙ୍ଗା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ସ୍ବାସ୍ଥ୍ୟ ପରୀକ୍ଷା ଓ କୋଭିଡ୍ ଟେଷ୍ଟ କରାଇ ସାଲେପୁର କୋର୍ଟକୁ ଚାଲାଣା କରାଯାଇଛି। ଅଭିଯୁକ୍ତ ଭିକାରୀ କୋର୍ଟ ଚାଲାଣ ବେଳେ ତାଙ୍କୁ ରାଜନୈତିକ ଉଦ୍ଦେଶ୍ୟରେ ମୃତକ କୁଳମଣି ବରାଳଙ୍କ ପୁଅ ରମାକାନ୍ତ ବରାଳ ମିଛ କେସ୍ରେ ଫସାଇଛନ୍ତି ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି। ତେବେ ଅନ୍ୟ ଅଭିଯୁକ୍ତ ମାନଙ୍କୁ କେବେ ଗିରଫ କରୁଛି ଗ୍ରାମାଞ୍ଚଳ ପୋଲିସ ତାହା ଉପରେ ରହିଛି ସମସ୍ତଙ୍କ ନଜର।