ଅନୁଗୁଳ ଓ ସାତକୋଶିଆ ବନଖଣ୍ଡର ବିଭିନ୍ନ ଅଫିସରେ ଭିଜିଲାନ୍ସ ରେଡ୍
ଅନୁଗୁଳ:- ଅନୁଗୁଳ ଓ ସାତକୋଶିଆ ବନଖଣ୍ଡର ବିଭିନ୍ନ କାର୍ଯ୍ୟାଳୟରେ ଭିଜିଲାନ୍ସ ପକ୍ଷରୁ ଚଢାଉ କରାଯାଇଛି । ବାଉଁଶ ଚାରା ରୋପଣରେ ହେର୍ଫେର୍ ଅଭିଯ଼ୋଗରେ ଏହି ଚଢାଉ କରିଛି ଭିଜିଲାନ୍ସ ।
ବିଭିନ୍ନ ସ୍ଥାନରେ ରେଡ୍ କରୁଛି ଭିଜିଲାନ୍ସର ୪୦ ଜଣିଆ ଟିମ୍। ଅନୁଗୁଳ ବନଖଣ୍ଡ ବନ୍ତଳା ରେଞ୍ଜରେ ବାଉଁଶ ଗଛ ଲଗାଇବାରେ ହେରଫେର୍ ହେବା ନେଇ ଲୋକାୟୁକ୍ତଙ୍କ ନିକଟରେ ଅଭିଯୋଗ ହୋଇଥିଲା । ଯେଉଁ ଅଭିଯୋଗ ପରେ ବନ୍ତଳା ରେଞ୍ଜ ନୂଆକ୍ଷେତା ଜଙ୍ଗଲ ଭିତରେ ଛାନଭିନ୍ କରିଛନ୍ତି ଭିଜିଲାନ୍ସ ଅଧିକାରୀ ମାନେ।ଅଭିଯୋଗ ଅନୁସାରେ ଗତ ତିନିବର୍ଷ ତଳେ ଜଙ୍ଗଲରେ ବାଉଁଶ ଗଛ ଲଗାଇବା ସହିତ ବାଉଁଶ ବୁଦାର ବିକାଶ ଓ ସଂରକ୍ଷଣ ପାଇଁ କାମ୍ପା ପାଣ୍ଠିରୁ ବନ୍ତଳା ରେଞ୍ଜକୁ ଅନୁଦାନ ଦିଆଯାଇଥିଲା । ହେଲେ କାମ ନହୋଇ ଟଙ୍କା ଉଠାଯାଇଥିବା ଅଭିଯୋଗ ହୋଇଥିଲା।ଏନେଇ ଲୋକାୟୁକ୍ତଙ୍କ ନିକଟରେ ଲିଖିତ ଅଭିଯୋଗ ହୋଇଥିଲା । ଏହି ମାମଲାର ଶୁଣାଣି କରି ଲୋକାୟୁକ୍ତ ଘଟଣାର ତଦନ୍ତ କରିବାକୁ ଅନୁଗୁଳ ଭିଜିଲାନ୍ସ ଅଧିକାରୀ ଙ୍କୁ ନିର୍ଦ୍ଦେଶ ଦେଇଥିଲେ। ଲୋକାୟୁକ୍ତ ଙ୍କ ନିର୍ଦ୍ଦେଶ ପରେ ଆଜି ଭିଜିଲାନ୍ସର ୪୦ ଜଣିଆ ଟିମ୍ ଏହି ଚଢାଉ ଜାରି ରଖିଛନ୍ତି ।