ଠକେଇର ନୂଆଁ ଟ୍ରେଣ୍ଡ: ତମର ଲଟେରୀ ଲାଗିଛି, ଭିଡିଓ ଦେଖାଇ ସାଇବର ଠକ ଲୁଟୁଛନ୍ତି ଲକ୍ଷ ଲକ୍ଷ ଟଙ୍କା

ଭୁବନେଶ୍ଵର :- ତମର ଲଟେରୀ ଲାଗିଛି। ତମକୁ ମିଳିବ ଟଙ୍କା। ଏଇ ଦେଖ ତୁମକୁ ଦେବାକୁ ଆମେ ଏମିତି ରଖିଛୁ। ତା ପରେ ପୂରା ପ୍ଲାନ। ଏ ହେଉଛନ୍ତି ଲଟେରୀ ଲୋଭ ଦେଖାଉଥିବା ଆତ୍ମ ଘୋଷିତ ବ୍ୟାଙ୍କର ଲଟେରୀ ମ୍ୟାନେଜର। ତାଙ୍କ ଚାରି କଡେ ଟଙ୍କା ଭର୍ତ୍ତି ଡ୍ରର ଟେବୁଲ। ସେଥିରେ ୫୦୦, ୨୦୦୦ର ବିଡା ବିଡା ନୋଟ୍। ସୁଟ୍ ବୁଟ୍ ଟାଇରେ ମ୍ୟାନଜର ବାବୁ ଯେତିକି ଇମ୍ପ୍ରେସିଭ୍, ତାଙ୍କ କଥା ସେତିକି ପ୍ରଭାବୀ।ବାବୁ ଜଣଙ୍କ ସୁପର ଫୋର ଟ୍ଵେଣ୍ଟି। ସାଧାରଣ ଭାଷାରେ କହିଲେ ସାଇବର ଠକ। ତାଙ୍କ କାରନାମା ହେଲା କଥା କହି  ଭିଡିଓ ଦେଖାଇ ବିଶ୍ଵାସ ଜନ୍ମାଇବେ ତା ପରେ ଲୁଟି ନେବେ ଟଙ୍କା। ହଜାର ହଜାର ହିସାବରେ କୋଟି କୋଟି ଟଙ୍କାର ଠକେଇ ନେଟ୍ଓ୍ଵର୍କ। ଏଭଳି ଠକଙ୍କ ଲକ୍ଷ୍ୟ ଗୋଟିଏ କିନ୍ତୁ ତରିକା ଅନେକ। କେତେବେଳେ ନିଜକୁ ବ୍ୟାଙ୍କ କର୍ମଚାରୀ କହୁଛନ୍ତି ତ କେତେବେଳେ ଟାଓ୍ଵାର ବସାଇବା ନାଁରେ ଜିଓର କର୍ମଚାରୀ କହୁଛନ୍ତି। ଆଉ କେତେ ବେଳେ ନିଜକୁ କେବିସି ଲଟେରୀର ମୁଖ୍ୟ। ଇତ୍ୟାଦୀ ଅନେକ ନାଁ।