କୂଅରୁ ମହିଳାଙ୍କ ମୃତଦେହ ଉଦ୍ଧାର: ସ୍ୱାମୀକୁ ଅଟକ ରଖି ପଚରାଉଚରା କରୁଛି ପୋଲିସ

ରାୟଗଡ଼ା: ଗୁଣୁପୁର ଥାନା ବନ୍ଧୁଗୁଡ଼ାର ଏକ କୂଅରୁ ମହିଳାଙ୍କ ଶବ ଉଦ୍ଧାର । ମୃତ ମହିଳା ହେଲେ ଗାଁର ଲକ୍ଷ୍ମୀ ଶବର । ପୋଲିସ ପହଞ୍ଚି ଅଗ୍ନିଶମ ବାହିନୀ ସହାୟତାରେ ଶବ ଉଦ୍ଧାର କରିଛି । ଘଟଣାରେ ମୃତ ମହିଳା ସ୍ବାମୀଙ୍କୁ ଅଟକ ରଖିଛି ପୋଲିସ । ସେ ଆତ୍ମହତ୍ୟା କରିଛନ୍ତି ନାଁ ତାଙ୍କୁ ହତ୍ୟା କରାଯାଇଛି ଏଯାଏ  ସ୍ପଷ୍ଟ ହୋଇନି । ତେବେ ମୃତଦେହର ମୁଣ୍ଡରେ ଗଭୀର ଆଘାତ ଲାଗିଥିବାରୁ, ତାଙ୍କୁ ହତ୍ୟା ପରେ କୂଅରେ ପିଙ୍ଗି ଦିଆଯାଇଥିବା ପୋଲିସ ଅନୁମାନ କରୁଛି  ।