ବନ୍ଧା ହେଲେ ଆଉ ଜଣେ କୋଟିପତି ଜଙ୍ଗଲିବାବୁ, ଠାବ ହେଲା ୨ କୋଟି ଟଙ୍କାର ସଂପତ୍ତି

ବଲାଙ୍ଗୀର:-ବନ୍ଧା ହେଲେ ଆଉ ଜଣେ କୋଟିପତି ଜଙ୍ଗଲିବାବୁ । ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ବଲାଙ୍ଗିର ଜିଲ୍ଲା ମରିବାହଲ ଫରେଷ୍ଟ ରେଞ୍ଜ ଅଫିସର ପ୍ରଶାନ୍ତ କୁମାର ନାୟକଙ୍କୁ ଗିରଫ କରିଛି ଭିଜିଲାନ୍ସ । ରେଡ୍ ବେଳେ ପ୍ରଶାନ୍ତଙ୍କର ୧ କୋଟି ୮୬ଲକ୍ଷ ୫୪ ହଜାର ଟଙ୍କାର ସମ୍ପତ୍ତି ଠାବ କରିଛି ତଦନ୍ତକାରୀ ଟିମ୍ ।

ଗତକାଲି ଭିଜିଲାନ୍ସ ଟିମ୍ ପଶାନ୍ତ ନାୟକଙ୍କ ଘର ସମେତ ୪ଟି ସ୍ଥାନରେ ରେଡ୍ କରିଥିଲା। ଏଥିରେ ଟିଟିଲାଗଡ଼ରେ ପ୍ରଶାନ୍ତଙ୍କ ୩ ମହଲା ଘର, ଟିଟିଲାଗଡ଼ ବେଲପଦରରେ ଥିବା ଫାର୍ମ ହାଉସ, ମରିବାହାଲ ସରକାରୀ କ୍ବାର୍ଟର ସହ ଅଫିସରେ ମଧ୍ୟ ଚଢ଼ାଉ ହୋଇଥିଲା । ଏହି କୋଟିପତି ଫରେଷ୍ଟ ରେଞ୍ଜରଙ୍କର ଗୋଟିଏ ୩ମହଲା କୋଠା, ୧୦ଟି ପ୍ଲଟ, ୨ଟି କାର୍, ଗୋଟିଏ ବାଇକ, ବିଭିନ୍ନ ବ୍ୟାଙ୍କରେ ଥିବା ଜମା ଟଙ୍କା, ଇନ୍ସ୍ୟୁରାନ୍ସ ପଲିସି, ସୁନାରୂପା ଅଳଙ୍କାର, ନଗଦ ଟଙ୍କା ସହ ୨ଲକ୍ଷ ୭୦ହଜାର ଟଙ୍କାର ଘରକରଣା ସାମଗ୍ରୀ ରହିଛି ।