୬୮ ଗ୍ରାମ୍ ବ୍ରାଉନସୁଗାର ଜବତ, ଜଣେ ଗିରଫ

ଜଳେଶ୍ବର:-ଜଳେଶ୍ବର ପୋଲିସ ଦ୍ବାରା ୬୮ ଗ୍ରାମ୍ ବ୍ରାଉନସୁଗାର ଜବତ ହୋଇଛି । ଯାହାର ଅନୁମାନିକ ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ଜଣାପଡିଛି। ଅଭିଯୋଗରେ ଜଣଙ୍କୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତ ହେଲେ ପଥରପୁରା ଅଞ୍ଚଳର ମୀର ସିଦିକ ।

ସୂଚନା ଅନୁସାରେ ମଙ୍ଗଳବାର ମଧ୍ୟ ରାତିରେ ବ୍ରାଉନସୁଗାର କାରବାର ନେଇ ଜଳେଶ୍ବର ପୋଲିସ କୌଣସି ସୂତ୍ରରୁ ଖବର ପାଇଥିଲା । ଆଇଆଇସି ମାନସ ଦେଓଙ୍କ ନେତୃତ୍ବରେ ପୋଲିସ ପଥରପୁରା ଅଞ୍ଚଳର ମୀର ସିଦିକଙ୍କ ଘର ଉପରେ ଚଢାଉ କରିଥିଲା । ୬୮ ଗ୍ରାମ ବ୍ରାଉନସୁଗାର ଏବଂ ୨ ଲକ୍ଷ ୨୨ ହଜାର ୨ ଶହ ଟଙ୍କା ଜବତ କରିବା ସହିତ ମୀର ସିଦିକକୁ ଗିରଫ କରିଛି । ଜବତ ବ୍ରାଉନସୁଗାରର ମୂଲ୍ୟ ୬ ଲକ୍ଷ ୮୦ ହଜାର ଟଙ୍କା ହେବ ବୋଲି ଜଣାପଡିଛି ।