ବାଲେଶ୍ୱରରେ ବେଣୁ ମଉସାଙ୍କୁ ମିଳିଲା ମୋଟ୍ ଏତିକି ଭୋଟ୍
ବାଲେଶ୍ୱର – ବାଲେଶ୍ୱର ସଦର ଉପ ନିର୍ବାଚନ ଶେଷ ହୋଇଛି । ଏଥିରେ ବିଜେଡି ବାଜିମାତ କରିଛି। ବିଜେଡିର ସ୍ୱରୂପ ଦାସ ବିଜୟୀ ହୋଇଛନ୍ତି । ହେଲେ ସବୁଠାରୁ ଚର୍ଚ୍ଚିତ ବେଣୁଧର ବାରିକଙ୍କୁ ଶେଷ ରାଉଣ୍ଡ ସୁଦ୍ଧା ୧୨୪୫ ଭୋଟ୍ ମିଳଛି । ବାଲେଶ୍ୱର ସଦର ଉପ ନିର୍ବାଚନରେ ସବୁଠାରୁ ଚର୍ଚ୍ଚିତ ଥିଲେ ବେଣୁଧର ବାରିକ । ସେ ସାଇକେଲ୍ ଖଣ୍ଡେ ଧରି ଘରକୁ ଘର ବୁଲି ପ୍ରଚାର କରିଥିଲେ । ନିର୍ବାଚନ ସରିବା ପରେ ପୁଣି ନି୍ଜ ବୃତ୍ତିକୁ ଆପଣନେଇଥିଲେ । ବେଣୁ ମଉସାଙ୍କୁ ଅନେକ ମତଦାତା ବେଶ୍ ପସନ୍ଦ କରିଥିଲେ । ଗଣମାଧ୍ୟମରେ ମଧ୍ୟ ତାଙ୍କର ବେଶ୍ ଚର୍ଚ୍ଚା କରାଯାଇଥିଲା ।ବାଲେଶ୍ୱର ସଦର ଉପନିର୍ବାଚନ ମଇଦାନରେ ଥିବା ସ୍ୱାଧୀନ ପ୍ରାର୍ଥୀ ବେଣୁଧର ବାରିକ ଏବେ ଚର୍ଚ୍ଚିତ ଚେହେରା ପାଲଟିଥିଲେ । ନିଜର ରୋକଠୋକ କଥା, ସରଳ ଜୀବନଯାପନ ପାଇଁ ସେ ଘରେ ଘରେ ପରିଚିତ ହୋଇଛନ୍ତି । ତାଙ୍କ ବ୍ୟକ୍ତିତ୍ୱରେ ଆକର୍ଷିତ ହୋଇ ବିଭିନ୍ନ ଯାତ୍ରା କଳାକାର, ଆଲବମ୍ ଅଭିନେତ୍ରୀ ମାଗଣାରେ ପ୍ରଚାର କରି ସାରିଛନ୍ତି ।ଏତିକିବେଳେ ରାଜ୍ୟର ଜଣାଶୁଣା କଣ୍ଠଶିଳ୍ପୀ, ଗୀତିକାର ଅଭିଜିତ୍ ମଜୁମଦାର ତାଙ୍କ ପାଇଁ ଗୀତ ଗାଇଛନ୍ତି । ‘ଏଥର ବେଣୁ ମଉସା’ ଶୀର୍ଷକ ଏହି ଗୀତଟି ସାମାଜିକ ଗଣମାଧ୍ୟମରେ ହଟ୍ କେକ୍ ଭଳି ସେୟାର ହେଉଛି । ସମ୍ପ୍ରତି ବେଣୁଧର ସଦର ନିର୍ବାଚନ ଫଳାଫଳରେ ଏବେ ଏକ ଗୁରୁତ୍ୱପୂର୍ଣ୍ଣ ଭୂମିକା ନିଭାଉଥିବା ବେଳେ ଅଭିଜିତ୍ଙ୍କ ଏଭଳି ଗୀତ ତାଙ୍କର ଲୋକପ୍ରିୟତାକୁ ଆହୁରି ଦ୍ୱିଗୁଣିତ କରିଛି ।