୫୦ ଲକ୍ଷ ଟଙ୍କାର ଗଞ୍ଜେଇ ଜବତ,ଗାଡି ଛାଡି ଡ୍ରାଇଭର ଫେରାର

ସେମିଳିଗୁଡା:-କୋରାପୁଟ ଜିଲ୍ଲା ସେମିଳିଗୁଡା ପୋଲିସ ଏକ ବଡ ଧରଣର ଗଞ୍ଜେଇ ଚୋରାଚାଲାଣର ପର୍ଦ୍ଦାଫାସ କରିଛି । ଏକ କମାଣ୍ଡର ଗାଡିରୁ ପୋଲିସ ୫୦ ଲକ୍ଷ ଟଙ୍କାର ଗଞ୍ଜେଇ ଜବତ କରିଛି । ଏନେଇ ସେମିଳିଗୁଡା ଥାନା ଆଇଆଇସି ଧିରେନ କୁମାର ବେହେରା ସୂଚନା ଦେଇଛନ୍ତି ।

ଆଇଆଇସିଙ୍କ ସୂଚନାନୁସାରେ, ନଦନ୍ଦପୁରରୁ ଏକ କମାଣ୍ଡର ସେମିଳିଗୁଡା ଅଭିମୁଖେ ଆସୁଥିଲା । ବୋଡେଙ୍ଗା ଛକଠାରେ ପୋଲିସକୁ ଦେଖି ଗାଡିଟି ଦ୍ରୁତ ଗତିରେ ପଳାଇଥିଲା । ପୋଲିସ ଏହାକୁ ପିଛା କରି ଧରିଥିଲା । ତେବେ ଗାଡିକୁ ରାସ୍ତାରେ ରଖି ଡ୍ରାଇଭରଜଣଙ୍କ ଫେରାର ହୋଇଯାଇଥିଲେ । ପୋଲିସ ଗାଡିରୁ ବିପୁଳ ପରିମାଣର ଗଞ୍ଜେଇ ଜବତ କରିଥିଲା ।ଏହି ଘଟଣାରେ ସେମିଳିଗୁଡା ପୋଲିସ ଏକ ମାମଲା ରୁଜୁ କରି କମାଣ୍ଡରକୁ ଜବତ କରିଛି । ଏହି ଘଟଣାରେ ଆଉ କେହି ସଂପୃକ୍ତ ଅଚନ୍ତି ତାହାର ମଧ୍ୟ ତଦନ୍ତ ଆରମ୍ଭ ହୋଇଛି ।