ପୋଲିସ କବଜାରେ ବାଇକ ଲୁଟେରା ଗ୍ୟାଙ୍ଗ

କଣ୍ଟାବାଞ୍ଜି:-କଣ୍ଟାବାଞ୍ଜି ପୋଲିସ କବଜାରେ ବାଇକ ଲୁଟେରା ଗ୍ୟାଙ୍ଗ । ୭ ଟି ମୋଟର ସାଇକେଲ ଜବତ କରିବା ସହ ୩ ଜଣ ଚୋରକୁ ଗିରଫ କରିଛି ପୋଲିସ । ଏମାନେ ଦୀର୍ଘ ଦିନ ହେଲା କଣ୍ଟାବାଞ୍ଜି ଥାନା ଅଞ୍ଚଳ ଓ ଏହାର ଆଖପାଖ ଅଞ୍ଚଳରେ ମୋଟର ସାଇକେଲ ଚୋରି କରୁଥିଲେ ।

ପୋଲିସ ଗିରଫ କରିଥିବା ଚୋର ମାନେ ହେଲେ ରାମୁଡ ଗାଁର ଶିବ ପ୍ରଧାନ, କୁକୁଡ଼ାହାଡ଼ର ପ୍ରଭାତ ବେହେରା, ହୀରାଲାଲ ପୁଟେଲ । ଏହି ଚୋରିରେ ସାମିଲ ଥିବା ସୁରଥ ପୁଟେଲଙ୍କୁ ପୋଲିସ ଅନ୍ୟ ଏକ ଚୋରି ମାମଲାରେ ପୂର୍ବରୁ ଗିରଫ କରି କୋର୍ଟ ଚାଲାଣ କରିସାରିଛି । ଏନେଇ କଣ୍ଟାବାଞ୍ଜି ଥାନା ଅଧିକାରୀ ଏକ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି ।

ଲୁଟେରା ଗ୍ୟାଙ୍ଗକୁ ଧରିବାକୁ ଗଠନ ହୋଇଥିଲା ସ୍ବତନ୍ତ୍ର ଟିମ୍ । ଏହି ଟିମ୍ ଚଢାଉ କରି ଚୋର ଦଳକୁ ଧରିଛି । କଣ୍ଟାବାଞ୍ଜି ଥାନା ଅଞ୍ଚଳରୁ ୨ଟି, ମୁରିବାହାଲ ଥାନା ଅଞ୍ଚଳରୁ ୨ଟି, ତୁରେକେଲା ଥାନା ଅଞ୍ଚଳରୁ ଗୋଟିଏ, ବେଳପଡା ଥାନା ଅଞ୍ଚଳରୁ ଗୋଟିଏ ମୋଟର ସାଇକେଲ ଚୋରି ନେଇ ଅଭିଯୋଗ ହୋଇଥିଲା ।