ଡିଜିପି ଅଭୟଙ୍କ ଅଚାନକ ଢେଙ୍କାନାଳ ଗସ୍ତ, ମୃତ କୋଭିଡ୍ ଯୋଦ୍ଧାଙ୍କ ପରିବାରକୁ ଭେଟିଲେ

ଢେଙ୍କାନାଳ:-ରାଜ୍ୟ ପୋଲିସ ମହାନିର୍ଦ୍ଦେଶକ ଅଭୟ ରବିବାର ଢେଙ୍କାନାଳ ଜିଲ୍ଲାକୁ ଅଚାନକ ଗସ୍ତ କରିଛନ୍ତି । ଏହି ଗସ୍ତ ଅବସରରରେ ଡିଜିପି ଢେଙ୍କାନାଳ ଟାଉନ ଥାନା ଓ ସଦର ଥାନା ପରିଦର୍ଶନ କରିବା ସହ ଏହି ମହାମାରୀ କୋଭିଡ୍ ସମୟରେ ନିଜକୁ ସୁରକ୍ଷିତ ରଖି ଜନସାଧାରଣଙ୍କୁ ସୁରକ୍ଷା ଯୋଗାଇବାକୁ ଯତ୍ନବାନ ରହିବାକୁ ପରାମର୍ଶ ଦେଇଥିଲେ ।ଏହାପରେ ରିଜର୍ଭ କଲୋନୀ ଯାଇ କରୋନାରେ ମୃତ୍ୟୁ ହୋଇଥିବା କରୋନା ଯୋଦ୍ଧା ଢେଙ୍କାନାଳ ରିଜର୍ଭ ପୋଲିସର ଡ୍ରିଲ ସବ୍ ଇନ୍ସପେକ୍ଟର ସ୍ବର୍ଗତ ପ୍ରାଣବନ୍ଧୁ ସେଠୀଙ୍କ ପରିବାରକୁ ଭେଟିଥିଲେ । ତାଙ୍କ ପରିବାରକୁ ଭେଟି ସମବେଦନା ଜଣାଇବା ସହ ଭଲମନ୍ଦ ପଚାରି ବୁଝିଥିବା ଜଣାପଡିଛି ।