ଜୁଆ ଆଡ୍ଡା ଉପରେ ଚଢାଉ, ୯ ଜୁଆଡିଙ୍କଠାରୁ ୫୦ହଜାର ଟଙ୍କା ଓ ୯ଟି ମୋବାଇଲ୍ ଜବତ

ଜୟପୁର:-ଜୟପୁରର ଏକ ଜୁଆ ଆଡ୍ଡା ଉପରେ ଟାଉନ ପୋଲିସର ଚଢାଉ । ୯ଜଣ ଜୁଆଡିଙ୍କଠାରୁ ମୋଟ୍ ୫୦,୨୦୦ ନଗଦ ଟଙ୍କା ସହ ୯ଟି ମୋବାଇଲ ଜବତ କରିଛି ପୋଲିସ । ପାରାବେଡା ଅଂଚଳରେ ଏହି ଜୁଆ ଆଡ୍ଡା ଚାଲିଥିବା ସୂଚନା ପାଇବା ପରେ ପୋଲିସ ସେଠାରେ ଚଢାଉ କରିଥିଲା । ଜୁଆଡିମାନଙ୍କୁ ସିଆରପିସିର ଧାରା ୪୧ରେ ନୋଟିସ ଦେଇ ଛାଡି ଦିଆଯାଇଛି ।ସହରରେ ଦିନକୁ ଦିନ ଚୋରୀ, ଡକାୟତି ଓ ଚୋରା ମଦ କାରବାର ସହ ଏପରି ଜୁଆ ଖେଳ ବଢିବାରେ ଲାଗିଛି । ଯାହାକୁ ନେଇ ସହରବାସୀ ଚିନ୍ତାରେ ଅଛନ୍ତି ।