ଡ୍ରଗ୍ସ ଜାଲରେ କ୍ରିକେଟରଙ୍କ ପତ୍ନୀ!କେଉଁ କ୍ରିକେଟରଙ୍କ ପତ୍ନୀ ନେଉଥିଲେ କୋକେନ୍ ?

ମୁମ୍ବାଇ:-ଡ୍ରଗ୍ସ ଲିଙ୍କକୁ ନେଉ ବଲିଉଡରେ ଝଡ ସୃଷ୍ଟି ହୋଇଛି । ବଲିଉଡର ନାମୀଦାମୀ ଅଭିନେତା ଓ ଅଭିନେତ୍ରୀ ଡ୍ରଗ୍ସ ଲିଙ୍କରେ ଫସିଛନ୍ତି । ତେବେ ଏହି ଡ୍ରଗ୍ସ ଲିଙ୍କ୍ ଏବେ ବଲିଉଡରୁ କ୍ରିକେଟ ମୁହାଁ ହୋଇଛି । ଅଭିନେତ୍ରୀ ଶେର୍ଲିନ୍ ଚୋପ୍ରା କ୍ରିକେଟ ଜଗତକୁ ମଧ୍ୟ ଡ୍ରଗ୍ସ ଲିଙ୍କକୁ ଟାଣିଛନ୍ତି ।

ଶେର୍ଲିନ୍ କହିଛନ୍ତି ଯେ, ସେ ଏକଦା କୋଲକାତା ଯାଇଥିଲେ । ଏହି ସମୟରେ ଆଇପିଏଲ ଚାଲିଥିଲା ଓ କୋଲକାତା ନାଇଟ୍ ରାଇଡର୍ସର ମ୍ୟାଚ୍ ଥିଲା । ମ୍ୟାଚ୍ ପରେ ଏକ ଭବ୍ୟ ପାର୍ଟି ଆୟୋଜିତ ହୋଇଥିଲା । ପାର୍ଟିରେ ସେ ଖୁବ୍ ଖାଇଥିଲେ ଓ ନାଚ ମଧ୍ୟ କରିଥିଲେ । କିନ୍ତୁ କିଛି ସମୟ ପରେ ସେ କ୍ଳାନ୍ତ ହୋଇଯାଇଥିଲେ । ସେଠାରେ ସେ ଯାହା ଦେଖିଥିଲେ ତାହା ଅବିଶ୍ୱସନୀୟ ଥିଲା । ନାମୀଦାମୀ କ୍ରିକେଟରଙ୍କ ପତ୍ନୀମାନେ ଆରାମରେ କୋକେନ୍ ନେଉଥିଲେ । ଶେର୍ଲିନକୁ ଦେଖିବା ପରେ ସେମାନେ ହସିଥିଲେ । ଶେର୍ଲିନ୍ ମଧ୍ୟ ଅଳ୍ପ ହସି ସେଠାରୁ ଚାଲି ଆସିଥିଲେ । ସେଠାରେ ରାତି ସାରା ଗୋଟିଏ ପଟେ ଗୋଟିଏ ଡ୍ରଗ୍ସ ପାର୍ଟି ଚାଲିଥିଲା । ତେବେ ଶେର୍ଲିନ୍ ଗଣମାଧ୍ୟମ ଆଗରେ କୌଣସି କ୍ରିକେଟର କିମ୍ବା ସେମାନଙ୍କ ପତ୍ନୀଙ୍କ ନାଁ ନେଇନଥିଲେ ।

ତେବେ  ଡ୍ରଗ୍ସ ମାମଲାରେ ଏନସିବିର ତଦନ୍ତକୁ ଶେର୍ଲିନ ପ୍ରଶଂସା କରିଛନ୍ତି । ଏନସିବି ଭଲ କାମ କରୁଥିବା ସେ କହିଛନ୍ତି । ଏବେ ବିଭିନ୍ନ ଖଳନାୟକଙ୍କ ଉପରୁ ପରଦା ହଟିବ । ଏହାସହ ଏନସିବି ସାମ୍ନାରେ ହାଜର ହେଲେ ସେମାନେ ଦୈନିକ କେତେ ଥର ଡ୍ରଗ୍ସ ସେବନ କରନ୍ତି ଏବଂ କେଉଁଠୁ ଆଣନ୍ତି ତାହାକ କହିପାରିବେ ବୋଲି ଶେର୍ଲିନ୍ କହିଛନ୍ତି ।

ଅପରପକ୍ଷେ ସୁଶାନ୍ତ ସିଂ ମୃତ୍ୟୁ ମାମଲାରେ ୧୬ ଜଣଙ୍କୁ ଗିରଫ କରିବା ପରେ ଏନସିବି ଏବେ ଡ୍ରଗ୍ସ ଲିଙ୍କର ଖୋଳତାଡ ଆରମ୍ଭ କରିଛି । ଏହି ଲିଙ୍କରେ ଅଭିନେତ୍ରୀ ଦୀପିକା ପାଦ୍ୟୁକୋନ, ଶ୍ରଦ୍ଧା କପୁର, ରକୁଲପ୍ରିତ୍ ସିଂ, ଶାର ଅଲ୍ଲି ଖାନଙ୍କୁ ହାଜର ହେବା ପାଇଁ ସମନ ଜାରି କରିଛି ।