ବଲିଉଡ୍ ଡ୍ରଗ୍ସ ମାମଲା: ମୁଜାଫରପୁରରେ ଦୀପିକା, ଶ୍ରଦ୍ଧା କପୁରଙ୍କ ସମେତ ୮ ଜଣ ସେଲିବ୍ରିଟିଙ୍କ ବିରୋଧରେ ମାମଲା ରୁଜୁ
ମୁମ୍ବାଇ:- ବଲିଉଡ୍ ଅଭିନେତ୍ରୀ ଦୀପିକା ପାଦୁକୋନ, ଶ୍ରଦ୍ଧା କପୁର, ଦୀୟା ମିର୍ଜା, ସାରା ଅଲୀ ଖାନ, ଶ୍ରୁତି ମୋଦିଙ୍କ ନାଁ ଡ୍ରଗ୍ସ ମାମଲାରେ ସାମ୍ନାକୁ ଆସିଛି। ଏନିସିବିର ଡ୍ରଗ୍ସ ତଦନ୍ତରେ ଏମାନଙ୍କ ନାଁ ଆସିବାରୁ ମୁଜାଫରପୁରରେ ଧାରା ୫୦୪, ୫୦୬, ୧୨୦, ୨୮୪ରେ ଏ ସମସ୍ତଙ୍କ ବିରୋଧରେ ମାମଲା ରୁଜୁ କରାଯାଇଛି।ଅଭିଯୋଗ ହୋଇଛି ଯେ ଏମାନେ ସମସ୍ତେ ମୁମ୍ବାଇର କୋକେ କ୍ଳବରେ ଯେଉଁ ପାର୍ଟି କରିଥିଲେ ସେଠାରେ ଡ୍ରଗ୍ସ ସେବନ କରିଥିଲେ। ଏହା ବ୍ୟତୀତ ଏହି କଳାକାର ବିଦେଶରୁ ଡ୍ରଗ୍ସ ମଗାଇ ନିଜେ ବ୍ୟବହାର କରିବା ସହ ଓ ବିକ୍ରି କରିବାର ଅଭିଯୋଗ ହୋଇଛି।ତେବେ ଏହି ଘଟଣା ପରେ ଏମାନଙ୍କୁ ରୋଲ ମଡେଲ ଭାବୁଥିବା ଲୋକଙ୍କୁ ଶକ୍ତ ଝଟକା ଲାଗିଛି। ୨୦୧୭ରେ ଦୀପିକା ଓ ତାଙ୍କ ମ୍ୟାନେଜରଙ୍କ ଡ୍ରଗ୍ସ ଚାଟ୍ ଏବେ ସାମ୍ନାକୁ ଆସିଛି। ଏଥିରୁ ଜଣାପଡିଛି ଦୀପିକା ମ୍ୟାନେଜରଙ୍କ ଦ୍ବାରା ଡ୍ରଗ୍ସ ମଗାଉ ଥିଲେ। ଏହା ସହ ଶ୍ରଦ୍ଧା କପୁରଙ୍କ ଚାଟ୍ ମଧ୍ୟ ସାମ୍ନାକୁ ଆସିଛି। ତେବେ ସାରା ଓ ରକୁଲଙ୍କ ନାଁ ରିୟା ଚକ୍ରବର୍ତୀ ଏନସିବି ଜେରା ବେଳେ ନେଇ ଥିଲେ।