ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷା କେନ୍ଦ୍ରର ଏୟାରକ୍ରାଫ୍ଟର ସଫଳ ପରୀକ୍ଷଣ

ବାଲେଶ୍ୱର:– ବାଲେଶ୍ୱରର ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷା କେନ୍ଦ୍ରକୁ ବଡ଼ ଧରଣର ସଫଳତା ମିଳିଛି । ସଫଳ ପରୀକ୍ଷଣ କରିଛି ଚାଳକ ବିହୀନ ଏୟାରକ୍ରାଫ୍ଟ । ଆଜି ଏହାର ପରୀକ୍ଷଣ କରାଯାଇଥିବା ବେଳେ ପରୀକ୍ଷଣ ସଫଳ ହୋଇଛି । ପରୀକ୍ଷଣ ସଫଳ ହେବା ପରେ ଏନେଇ ଶୁଭେଚ୍ଛା ଜଣାଇଥିଲେ ରକ୍ଷାମନ୍ତ୍ରୀ ରାଜନାଥ ସିଂ ।ତେବେ ଏହାର ସର୍ବାଧିକ ବେଗ ଘଣ୍ଟା ପ୍ରତି ୬୧୭ କିଲୋମିଟର ରହିଥିବା ବେଳେ ପ୍ରାୟ ୧୬ ହଜାର ଫୁଟ ଉଚ୍ଚରେ ଉଡ଼ିପାରିବାର କ୍ଷମତା ରହିଛି । ସେହିଭଳି ୪୫ ମିନିଟ୍ ପର୍ଯ୍ୟନ୍ତ କ୍ରମାଗତ ଭାବେ ଏହି ଚାଳକବିହୀନ ଏୟାରକ୍ରାଫ୍ଟ ଉଡ଼ି ପାରିବ । ଏୟାରକ୍ରାଫ୍ଟର ଓଜନ ୭୫ କିଲୋଗ୍ରାମ ରହିଛି ।