ଖାକି ମାଗୁଛି ଖାକିକୁ ନ୍ୟାୟ :ବୀରମିତ୍ରପୁର ଥାନା ଆଇଆଇସି ସ୍ବାମୀଙ୍କ ବିରୋଧରେ ଆଣିଲେ ନିର୍ଯ୍ୟାତନା ଅଭିଯୋଗ

ରାଉରକେଲା:ଖାକି ମାଗୁଛି ଖାକିକୁ ନ୍ୟାୟ ।ରାଉରକେଲା ବୀରମିତ୍ରପୁର ଥାନା ଆଇଆଇସିଙ୍କ ରଘୁନାଥପାଲି ଥାନାରେ ଅଭିଯୋଗ । ସ୍ଵାମୀ ଓ ଶାଶୂ ଘର ଲୋକଙ୍କ ନାମରେ ମାନସିକ ଓ ଶାରୀରିକ ନିର୍ଯାତନା ଦେଉଥିବା ଅଭିଯୋଗ ଆଣିଛନ୍ତି ମହିଳା ଆଇଆଇସି । ଅଭିଯୋଗ ପରେ ରଘୁନାଥପାଲି ଥାନାରେ ମାମଲା ରୁଜୁ ହୋଇଛି  । ୪୯୮ ଏ, ୩୨୩, ଓ ୫୦୬ରେ ମାମଲା ରୁଜୁ ହୋଇଛି । ସ୍ଵାମୀ, ପିଉସୀ, ମାମୁଁ ଓ ମାଇଁ ନିର୍ଯାତନା ଦେଉଥିବା ସେ ଅଭିଯୋଗ କରିଛନ୍ତି । ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି ।

ମହିଳା ଆଇଆଇସିଙ୍କ ସ୍ୱାମୀ ରାଉରକେଲାରେ ଅଧ୍ୟାପକ ଅଛନ୍ତି । ବିବାହ ପରେ ସନ୍ତାନ ଜନ୍ମ ହୋଇପାରୁନଥିବାରୁ ବିଭିନ୍ନ ସମୟରେ ତାଙ୍କୁ ନିର୍ଯ୍ୟାତନା ଦିଆଯାଉଥିବା ସୂଚନା ରହିଛି । ଏନେଇ ପରିବାର ଲୋକଙ୍କର କୌଣସି ପ୍ରତିକ୍ରିୟା ମିଳିପାରି ନାହିଁ । କିନ୍ତୁ ଅଭିଯୋଗ ଅନୁଯାୟୀ ସମସ୍ତଙ୍କ ସହିତ ପୋଲିସ ପଚରାଉଚରା କରି ଆଇନ ଅନୁଯାୟୀ ତଦନ୍ତ କରାଯିବ ବୋଲି ପୋଲିସ ପକ୍ଷରୁ ସୂଚନା ରହିଛି ।