ଆସନ୍ତା ୨୩ରୁ ରମାଦେବୀ ମହିଳା ବିଶ୍ୱବିଦ୍ୟାଳୟ ୟୁଜି ଷଷ୍ଠ ସେମିଷ୍ଟର୍ ପରୀକ୍ଷା
ଭୁବନେଶ୍ୱର:– ରମାଦେବୀ ମହିଳା ବିଶ୍ୱବିଦ୍ୟାଳୟର ଯୁକ୍ତ ତିନି ବା ୟୁଜିର ଷଷ୍ଠ ସେମିଷ୍ଟର୍ ଥିଓରି ପରୀକ୍ଷା ଆସନ୍ତା ୨୩ ଓ ୨୪ ତାରିଖ ଦୁଇଦିନ ଧରି ଅନୁଷ୍ଠିତ ହେବ । ଉଭୟ ଅନଲାଇନ ଓ ଅଫଲାଇନ୍ ମୋଡ୍ରେ ପରୀକ୍ଷା ହେବ । ମାତ୍ର ୧ ଘଣ୍ଟା ପରୀକ୍ଷା ହେବ । ସେହିପରି ପ୍ରାକ୍ଟିକାଲ୍ ପରୀକ୍ଷା ଆସନ୍ତା ୨୧ ତାରିଖରୁ ହେବ । କରୋନା କଟକଣା ମାନି ସମସ୍ତ ପରୀକ୍ଷା ପରିଚାଳନା କରାଯିବ । ଶ୍ରେଣୀଗୃହ ଓ ଗବେଷଣାଗାରଗୁଡିକ ପରୀକ୍ଷା ପୂର୍ବରୁ ବିଶୋଧନ କରାଯିବ ।
ସେହିପରି ଦୁଇ-ବର୍ଷିଆ ବିଇଡିର ଥିଓରି ପରୀକ୍ଷା ୨୧ ଓ ୨୪ ତାରିଖରେ ହେବ । ୩୦ ତାରିଖରେ ଏସାଇନ୍ମେଣ୍ଟ ଦାଖଲ କରାଯିବ । ଅପରପକ୍ଷେ ପିଜି ଚତୁର୍ଥ ସେମିଷ୍ଟର୍ ଥିଓରି ପରୀକ୍ଷା ୨୮ ତାରିଖରେ ହେବ । ବାୟୋଟେକ୍ନୋଲୋଜି ଓ ଲାଇଫ୍ ସାଇନ୍ସର ପ୍ରାକ୍ଟିକାଲ୍ ୨୧ ତାରିଖରେ ଏବଂ ଏମଏ/ଏମଏସସି/ଏମକମ୍ର ଅନ୍ୟ ସମସ୍ତ ବିଷୟର ଏସାଇନ୍ମେଣ୍ଟ ଦାଖଲ ୨୫ ତାରିଖରେ କରାଯିବ । ତେବେ ଏ ବାବଦରେ ରମାଦେବୀ ମହିଳା ବିଶ୍ୱବିଦ୍ୟାଳୟର ପରୀକ୍ଷା ନିୟନ୍ତ୍ରକ ବ୍ରଜକିଶୋରଙ୍କୁ ମୋବାଇଲ୍ ନମ୍ବର -୮୨୭୦୪୮୫୨୮୭ରେ ଯୋଗାଯୋଗ କରି ବିସ୍ତୃତ ସୂଚନା ମାଗିବାରୁ ସେ କିଛି କହିବାକୁ ମନା କରିଥିଲେ ।